ҒАЛЫМДАР ЖАЛҒЫЗ ТАМАҚ ІШУДІҢ НЕ СЕБЕПТІ ЗИЯН ЕКЕНІН ТҮСІНДІРДІ
Жалғыз өзі отырып тамақ ішкенді ұнататын адамдардың бойынан метаболикалық синдром мен висцеральды майдың жинақталуы байқалған.
Бұл туралы Obesity Research&Clinical Practice сайты жазды.
Оңтүстік Корея ғалымдары жалғыз отырып тамақ ішетін адамдардың матеболикалық синдром салдарынан ішіне артық май жинап алатынын анықтады.
Мамандар зерттеуге өз еріктерімен қатысқан 7752 адамның анкетасын сараптаған. Осыдан кейін ауруханалар статистикасын негізге ала отырып жалғыздықты ұнататын адамдардың семіздікке жиі шалдығатындарын байқаған.
Күніне кемінде 2 рет жалғыз отырып тамақ ішетін ер адамдардың 64%-ы жоғарыдағы синдромға шалдыққан. Ал әйелдерде бұл цифр – 29%. “Осы нәтижелерді негізге ала отырып метболикалық синдромның пайда болуына жалғыздықтың тікелей әсер ететінін анық байқауға болады”, – деп жазылған мақалада.
http://stan.kz
