ҚАРТТАРЫН ҚАДІРЛЕГЕН ЕЛ АРДАҚТЫ
Елбасы «Болашаққа бағдар: рухани жаңғыру» атты мақаласында «Туған жер» бағдарламасын ұсынды. Осы бағдарламаға орай еліміздің әрбір аймағында «Туған жерге тағзым» акциясы белсенді түрде өтуде.Аталмыш акция аясында облыстық халық шығармашылығын дамыту және мәдени-продюсерлік орталығы жыраулармен жұмыс секторының ұйымдастыруымен №1 Қызылорда арнаулы әлеуметтік қызметтер көрсету орталығы КММ-де «Қарттарын қадірлеген ел ардақты» атты жыршы-термешілердің концерті болды.
Шара асыл да ардақты қарияларымызға рухани дем беру, өмірге сүйіспеншіліктерін арттыру, өнер мен мәдениеттің жаңалықтарымен сусындату мақсатында ұйымдастырылды. Концертке Сыр сүлейлердің шығармаларын, жыраулық дәстүрін насихаттап жүрген облысымызға танымал жыраулар Майра Сарсенбаева, Жарасқан Төлебай, Марат Сүгірбай, Ораз Әлішбеков, Зүлфия Баймырза, Еркебұлан Омаровтар қатысып, өз өнерлерін көрсетті.
Сексенге тарта көрермен қатысқан концерт өте жоғары деңгейде өтті. Шара соңында осы орталықтың қарттары мен тәрбиешілері жыраулардың өнеріне дән риза болып алғыстарын білдірді.
Ақтолқын СЕЙІТЖАППАР.
