17 ЖАСАР ҚЫЗЫН 500 СИЫР МЕН 3 АВТОКӨЛІККЕ САТТЫ
ERNUR.KZ. Оңтүстік Суданда тұратын отбасы өзінің 17 жасар қызын Facebook-тегі аукционда сатып, рекордты сыйақы: 500 сиыр, үш автокөлік және 7,5 мың фунт стерлинг алды. Қыз бизнесменге тұрмысқа шықты, қалыңдыққа одан басқа бес адам, оның ішінде жоғары лауазымды шенеунік таласты, деп жазады sputniknews.kz. Аукционға сондай-ақ штат губернаторының орынбасары Дэвид Майом Риак қатысты. Ер адам қызға 250 сиыр ұсынған, делінген хабарламада. "Мен бұл отбасыны жақсы білемін, өйткені біз бұрын көрші тұрдық. Ол кішкентай кезінде мен оған үйленуге уәде бердім", - дейді Дэвид Майом Риак. Қазірдің өзінде тоғыз әйелі бар Кок Алат жеңімпаз деп жарияланды. "Дамыған технологияларды қолданды демесеңіз, бұл – кәдімді құл иеленушілер базары. Біздің заманымызда қыздарды күйеуге беру үшін әлеуметтік желі арқылы сату ақылға сыймайды. Ол әлі бала, ал оған зат секілді қарап отыр", - дейді құқық қорғаушы.
