ЕРКЕ ЕСМАХАН ДҮРКІРЕП ӨТКЕН ТУҒАН КҮНІНЕ ӘНШІЛЕРДІ ШАҚЫРҒАН ЖОҚ (ФОТО, ВИДЕО)

Еліміздің нағыз еркесіне айналған әнші Ерке Есмахан кезекті туған күнін жақын достарының ортасында атап өтті. 31 жасқа толған Ерке өз туған күніне санаулы сәт қалғанда Астанаға ұшақпен жеткен, деп хабарлайды Stan.kz.

Бір қызығы, Еркенің туған күнінде әншілер көп болған жоқ. Тележүргізуші Ләйля Сұлтанқызы, ақын Айнұр Тұрсынбаева, продюсер Жан Мұқанов пен актриса Құралай Анарбековалар Еркенің қуанышына ортақтасты.

Сағат тілі 12-ні соққанда Ләйлә Сұлтанқызы шырақ жағылған тәттісін ұсынып, Еркені алғашқылардың бірі болып құттықтады.

Айта кетейік, әншінің туған күні бүгін, яғни 30 қараша. Бұл ретте өнердегі әріптестері Есмаханды желі арқылы жарыса құттықтап жатыр.