ДИМАШТЫҢ АНАСЫ ҰЛЫНЫҢ АТЫМЕН КИІМ ҮЛГІЛЕРІН ШЫҒАРА БАСТАДЫ
Бұдан былай көпшілік танымал тұлға Димаш Құдайбергеннің атымен аталатын «DimashRM» брендіндегі киімдер топтамасынан киіне алады. Әншінің анасының айтуынша, киімдер қолжетімді бағада болады.Бұл жайында Света Айтпаева Instagram парақшасында жариялады. «Отандық жеңіл өнеркәсіп саласының дамуына өз үлесімізді қосу мақсатында осыдан бір жарым жыл бұрын қолынан іс келетін қыз-келіншектерді біріктіріп, шағын жұмыс орнын ашқан болатынбыз. Бүгінде орталығымызда бірнеше адамды тұрақты түрде жұмыспен қамтып отырмыз. «DimashRM» брендімен бүгінде түрлі киімдер желісін көпшілік назарына таныстыра бастадық. Мақсатымыз халыққа қол жетімді бағада сапалы киімдер ұсыну. Алғашқы топтамалар сатылымда. Көріңіздер!» – деп жазды әншінің анасы.
Айта кетейік, Димаш Құдайберген күні кеше «Жылдың ең танымал әншісі» атағын екінші жыл қатарынан жеңіп алған болатын.
