ТӨРЕҒАЛИ ТӨРЕӘЛІНІҢ ЖАҢА БЕЙНЕБАЯНЫ ЖАРЫҚҚА ШЫҚТЫ
Танымал айтыскер ақын, әнші Төреғали Төреәлі "Шаруам жоқ" әніне бейнебаян түсірді. Әнші бейнебаян шыққанын инстаграм әлеуметтік желісінде жариялады.Əр адам өз өмірінің қожайыны! Демек, өз - өмірің өз қолыңда!Адам əрекетін етуші, Аллаһ берекетін беруші дейді! Тұлпардың да тұяғы сүрінетінін білесіздер! Жақтың да жаңылатынын бастан өткердік! Ешқандай ата-ана баласын жаман болсын деп тəрбиелемейді! Менің тəрбием, менің сана-сезімім! Әкем мен анамның берген тәрбиесінде кеткен ағаттық жоқ ағайын!Жылағанда жұбатып, сүрінгенде сүйеу болған сіздердей тыңдармандарымның барына Аллаға шүкіршілік етемін! Қабырғам қайысқанда да, қанатымды қайырмадыңыздар! Менің өмірім - өнеріммен, өнерім - өміріммен тығыз байланысқан! Сондықтан да, Төрештеріңіздің өнеріне әділ төрелік ететін тек өздеріңіз ғана, – деді әнші инстаграм парақшасында.
