БҮЙТІП БИЛЕ: АҚШ АЗАМАТЫ БЕЙБІТ КӨШҚАЛИЕВТІҢ ӘНІНЕ БИЛЕП, АҚША ТАУЫП ЖҮР (ВИДЕО)
Бүйтіп биле! Бейбіт Көшқалиевтің “Лаула” атты әнін көпшілік осы атаумен біледі. Алайда жұрт аталған туындының ел арасында ғана емес, мұхиттың арғы жағында да хитке айналғанынан бейхабар.
Бұл туралы Stan.kz ақпараттық агенттігі хабарлайды.
Желіде Бейбіттің әніне билеген америкалық азаматтың видеосы жұрттың назарын аударды.
“Танымал әнші Бейбіт Көшқалиевтың “Лаула” әнімен Америкалық биші ақша тауып жүр. АҚШ, Лос-Анджелес қаласындағы Голливуд даңқ аллеясында өнер көрсететін қара нәсілді “көше бишісі” отандасымыздың әнін қойып, би билеп өз өнерімен саяхатшыларды таң қалдыруда. Super bro, әні де өзі де мықты Бейбіт бауырыма тек сәттілік тілеймін!” – деп бөлісті бейнежазба авторы.
Желідегілер бишінің қимылына, ептілігіне қайран қалды.
“Өнерде шекара жоқ деген рас”, “Қорқынышты, бірақ икемділігі, ептілігі мықты екен”, “Керемет” “Резина сияқты”, – деп таңғалды желі қолданушылары.
[video=]
