АЛТЫНАЙ ЖОРАБАЕВА ЖАҢА ПӘТЕРІН КӨРСЕТТІ
Танымал әнші Алтынай Жорабаева Instagram желісінде Астанадан сатып алған пәтерінің суреттерін көрсетті. Әнші бұл пәтерге бірнеше күн бұрын көшіп келген. Қоныс тойына әріптестері, құрбылары және жақын достары келіпті. Қонақтар қатарында Қайрат Нұртастың анасы Гүлзира Айдарбекова, Лұқпанның жары Айған Жолдасова және тағы да басқалар болған. Үй иесі оларға мол дастархан жайыпты.Суреттерге қарағанда баспана бір стильдегі дизайнмен жасалған. Әнші ақшыл сары және алтын түстерге көңіл бөліпті. Жорабаеваның айтуынша, мұндай пәтер сатып алуға және көңіліндегідей жабдықтауға көп тер төккен. Әртіс бұрынғы күйеуінің қазіргі өміріне еш қатыс жоқ екенін және балаларының өміріне де араласпайтынын айтқан.
