ЕРКЕ ЕСМАХАН ӨЗІН АЛДАҒАН ТАНЫМАЛ ӘЗІЛКЕШТЕРДІ БАЛАҒАТТАП ТАСТАДЫ (ВИДЕО)
Отандық танымал әнші Ерке Есмахан бағдарлама аясында өзіне қатысты "алдау операциясын" ұйымдастырған әзілкешетерді балағаттап тастады. Шоу-бизнес жұлдызының ашуға бой алдырған сәті желіге тарап, көптің талқысына түсті деп жазады NUR.KZ.Ғаламтор кеңістігіне тарап кеткен видеода Ерке Есмахан ұлымен бірге бой көрсетті.
Бейнежазбада отандық әнші өзіне гүл шоқтарын ұсынған әзілкештерді қуып, оларға балағат сөздерді жаудырғаны көрініс тапты.
Қазақ эстрадасының жұлдызын алдамақ болғандар шарадан соң мұндай әсер аларын күтпеген сыңайлы. Өзінің алданғанын біле сала ару ашуға бой алдырып, артынан көз жасын тоқтата алмады.
Желі оқырмандары отандық әншінің бұл әрекетіне қатысты өз пікірлерін белсенді түрде бөлісіп жатты. Бірі оның қиын жағдайда қалғанын айта түсіністік танытып жатса, кейбірі балағаттағаны үшін аяусыз сынап жатты.
"Тәрбиең қайда? Қазақ қызына сай емес қылық", "Әдемі жылайды екен. Сеніп те қалдым. Ал негізі бәрі таза пиар, атын шығару үшін", "Баласының көзінше бұлай істегені дұрыс болмады", "Сөздің шыны бетпердесі шешілді ғой. Жүйкесі әбден жұқарған ғой мына қыздың", "Кімде болса қатты ашуланса боқтайды деп ойлаймын", "Шын бет-келбеті осы. Міне сендердің жұлдыздарын" , - деп жазуда көпшілік.
