Беташарда ақшаны Каспий голдқа жіберген жігіт жұртты күлкіге қарқ қылды

Беташар рәсімі кезінде аты аталған ер адам ақшаны ыдысқа салудың орнына Каспий голдқа жіберіп, көпшілікті күлдірді деп жазады KAZ.NUR.KZ.

Қызықты видео Instagram-дағы kyzykstylekz парақшасында жарияланған.

Кадрдан ортаға билеп шыққан жігітпен асабаның жанына келіп, ақшаны карточкаға аударып жатқанын дәлел ретінде көрсеткен тағы бір азаматты көруге болады.

Соған қарағанда ер адамда қолма-қол ақша болмаған сыңайлы.

Ақша салудың мұндай тәсілі келген қонақтардың да желі қолданушыларының қызу талқысына түскен.

Көңілді бейнежазбаның астына оқырмандары түрлі пікір қалдырды.

"Күшті", "Мықты ғой", "21 ғасыр емес пе, дұрыс", "Өтті", "Күшті той ғой, молодец", - деп жазды олар.