Демалыс күндері ауа райы қандай болады?
Синоптиктер 2019 жылдың 12-14 қазан аралығында ауа райы қандай болатынын айтты, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап. "Күзгі ауа райына атмосфералық құбылыстардың жиі алмасуы тән. Алдағы демалыс күндерінде Қазақстан территориясы арқылы барикалық жыралар мен жоталардың бір-бірімен тез алмасуы күтіледі. Барикалық жыралар мен атмосфералық фронттардың өтуімен жауын-шашын күтіледі, солтүстік облыстарда кей уақыттарда жылбысқы қарға ұласады", - делінген хабарламада. Синоптиктердің болжамынша, оның артынан таралатын биіктіктегі жоталар жауын-шашынның тоқтауын және кезекті суытуды әкеледі.
.jpg)
