Қызылордалық спортшы әлем чемпионатында эүлдегер атанды
Италия астанасы – Рим қаласында панкратионнан ересектер арасында өткен әлем чемпионатында қызылордалық Олжас Есқараев күміс жүлдеге ие болды.
Сыр спортшысы 77 келі салмақ дəрежесінде сынға түсті. Ол əлемдік деңгейдегі жарыста алғашқы медаліне қол жеткізіп отыр. Олжас панкратион жəне грэпплингтен ҚР спорт шебері жəне екі спорт түрінен 2 дүркін Қазақстан чемпионы.
Жерлесіміз келесі жылдың қаңтар айында Қырғызстанда GFС тұжырымы бойынша ережесіз жекпе-жектен өтетін халықаралық турнирге қатысады.
Айта кетейік, ол ережесіз жекпе-жектен 7 рет жеңіске жетіп, 2 рет қарсыласына жол берген. «Қажымұқан» спорт клубында тәлім алатын спортшыны жарысқа Арман Маделханов дайындады.
