"Менің жеңісім - елімнің жеңісі": Ержан Максим қазақстандықтарға алғыс айтты
Кіп-кішкентай бола тұра Қазақстанды шетелге танытып жатқан Ержан Максим отандастарына алғысын айтты."Қайырлы күн! Баршаңызға алғысым шексіз! Менің жеңісім - елімнің жеңісі. Мен сіздерді жақсы көремін!!!", - деп жазды ол желідегі парақшасында.
Айта кетейік, Ержан Максим "Балалар Еуровидениесі" байқауына қатысып 2-орынды иеленді. Әнші бала "Арманнан қалма" әнімен өнер көрсетті. Байқауда 1-орынды польшалық әнші Виктория Габор иеленді.
"Қазағымның ұлысың, атыңнан айналайын", "Тек қана алға, жеңістерге жет", "Халықтың мақтанышысың, жолыңнан тайма", - деп жазды желі оқырмандары.
