Көлік апатынан екі адам қайтыс болды
Қызылорда қаласының орталық бөлігіндегі Қорқыт ата және Желтоқсан көшелерінің қиылысында екі көлік соқтығысты. Бұл туралы Қызылорда облыстық полиция департаментінің баспасөз қызметі хабарлады.«Mercedes-Benz» көлігінің иесі қарама қарсы бағытта келе жатқан «Volkswagen» маркалы автокөлікке жол берместен бұрылған. Оқыс оқиға салдарынан екі адам қайтыс болған.
Аталған дерек бойынша ҚР Қылмыстық кодексінің 345-бабының 4-бөлігімен сотқа дейінгі тергеп-тексеру амалдары жүргізілуде. Сараптамалар тағайындалды», - дейді Қызылорда облыстық полиция департаментінің баспасөз қызметі.
Барша тұрғындарға жолда жүру ережелерін сақтап, жолда жүргенде арнайы талаптарды қатаң сақтауды сұраймыз.
