Қиын кезеңдегі қолдау
Қазіргі таңдағы елдегі ахуал баршамызға белгілі. Елімізде төтенше жағдай жарияланып, бірнеше өңір карантинге жабылды. Мұның барлығы өз кезегінде әлеуметтік, экономикалық жағдайға кері әсерін тигізіп отырғаны жасырын емес. Десек те, бұл қиын кезеңді біз тек ауызбірліктің арқасында аман-есен өткереміз.
Бүгін Президент Қасым-Жомарт Тоқаев осыған байланысты халыққа үндеу жолдады. Мемлекеттің басты құндылығы - халық екенін, оның амандығы, тұрмыс-тіршілігі билік назарынан тыс қалмайтынын білдірді. Расымен, пандемияның салдарын сезініп жатырмыз. Көпшілікті күн санап вирус жұқтырған жандардың артуы алаңдатуда. Карантин кезінде қаншама азамат жұмыссыз отыруға, бірі табысынан айырылуға мәжбүр болуда. Шағын және орта кәсіпкерліктегі шектеу мен тоқтаулар кәсіпкерлерге де экономикамызға да кері әсерін тигізетіні анық. Осының бәрін електен өтіп, мемлекет басшысы тарапынан арба сынбайтын, өгіз өлмейтіндей шешім қабылданды. Қарапайым халыққа да, кәсіпкерлерге де оңтайлы жағдай жасалмақ. Мұны қысылтаяң сәтте жасаған үлкен қолдау, батыл қадам деп білемін.
Тұрсынай Кенебаева,
жеке кәсіпкер
жеке кәсіпкер
