Елмен біргеміз!
Әлемді алаңдатқан індеттің тез жайылып, күн сайын індетке шалдыққандар қатарының артқанын көріп бәріміз де алаңдаулымыз. Күн сайын жаңалыққа елеңдеп отырамыз.
Бүгін Тұңғыш Президент – Елбасы Нұрсұлтан Назарбаевтың «Бірлесе білген ел бәрін жеңеді» деген үндеуін тыңдап көңіліміз бір серпіліп қалды. Тәуелсіз мемлекетіміз бізге кәсіппен айналысуға, кәсіпті дамытуға қолдау жасап, әркімнің де еңбек етуіне мүмкіндік жасады. Енді ел басына қиын кезең туғанда қолымыздан келгенше елге көмектесу – азаматтық парызымыз. Елбасы үндеуінде атап айтқандай, бұл байбалам салып, бекер сөз айтатын уақыт емес. Барлығымыз еңбекпен шұғылданып, төтенше жағдай кезінде тәртіпті сақтасақ, біз алмайтын қамал жоқ. Ең бастысы, еліміздің бірлігі бұзылмасын дейміз.
Мен Қызылорда қаласына іргелес орналасқан Ақсуат ауылдық округінің тұрғынымын. Ауылда мал шаруашылығын дамытуға кәсіпкер ретінде үлес қосып келемін. Біз ауыл болып төтенше жағдай тәртібін сақтап, қиындықты еңсеретінімізге сенемін.
Қатира Әжібекова,
Ақсуат ауылдық округінің тұрғыны, жеке кәсіпкер
