Қызылорда облысында тіркелген 104 науқастың жағдайы қанағаттанарлық
Қызылорда облыстық денсаулық сақтау басқармасының басшысы Жақсылық Әбдісәметов онлайн брифингте облысымызда 10 сәуірге инфекция жұқтырғандар саны 104-ке жеткенін айтты. Соңғы тәулікте 12 жағдай тіркелсе, оның 6-ы Сырдария ауданына, 3-і Шиелі ауданынан, 2 жағдай Қызылорда қаласынан және 1-і Жаңақорған ауданынан тіркеліп отыр. «Олармен қарым-қатынаста болған азаматтар толық бақылауға алынды. Жағдайлары қанағаттанарлық» дейді, – басқарма басшысы.Аймағымыз тіркелген науқастар саны бойынша республикада 3-орынға шығып отыр. Бұл тұрғындар арасында үрей туғызып отырғанын айтқан басқарма басшысы: «Ешқандай үрей туғызудың қажеті жоқ. Қазіргі таңда денсаулық саласы індетті тұсаулауға барынша күш салып жатыр. Қазір анықталған барлық 104 науқастың жағдайы қанағаттанарлық. Яғни, ерте анықталып отыр» деді басқарма басшысы.
"Ақмешіт ақпарат"
