Қашықтан оқыту – қауіпсіздік негізі
Әлемді әбігерге салған коронавирус індеті ел көлемінде экономикалық, әлеуметтік қиындық әкелгені белгілі. Осындай сындарлы сәт білім беру саласына да оңайға соқпады. Төтенше жағдай режимі енгізілгелі мектептер қашықтан оқытуға көшіп, онлайн жүйеде білім беруді жүргізді. Мемлекет басшысы төтенше жағдайға байланысты жариялаған соңғы мәлімдемесінде білім беру ұйымдарының қашықтан оқыту жүйесі әлі де созылатыны айтылды.Президент өз сөзінде: «Жоғары оқу орындары, колледждер, мектептер қашықтан оқытуды жалғастыра береді» деді. Бұл қиын-қыстау кезеңде ұлт саулығы үшін жасалған ең оңтайлы шешім екені анық. Сондықтан, ұстаз ретінде барша қазақстандықтарды төтенше жағдай режимін берік сақтауға және қауіпсіздік шарасын қатаң бақылауға шақырамын!
Айсұлу РАХМЕТОВА,
№257 мектеп директорының орынбасары
