Қоғамдық қабылдау өткізді
2020 жылдвң 2 маусымында Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаментінің басшысы Гүлмира Өтегенова қоғамдық қабылдау өткізді.
«Nur Otan» партиясының облыстық филиалы, «Атамекен» ҰКП Қызылорда облысының кәсіпкерлер палатасы, жергілікті атқарушы орган өкілдерімен және табиғи монополия субъектілері басшыларының қатысуымен өткізілген шарада коммуналдық саланың проблемалық мәселелері талқыланды. Тұтынушылар үшін онлайн-режимде қоғамдық қабылдау өткізіліп, тұрғындар пікірі тыңдалды.
Жиын барысында коммуналдық қызмет тарифтеріне, ауыз су сапасына және электр энергиясын берудегі үзіліске қатысты сауалдар қойылды. Тұтынушылар тарапынан қойылған сауалдарға сала мамандары нақты жауап берді.
