"Бес-алты жылда спорт министрі боламын": Қуат Хамитов
Отандық аралас жекпе-жек жұлдызы Қуат "Найман" алдағы бес жылда спорт министрі болуға ниетті екенін жеткізді. Атышулы спортшы бұл саланы оған қатысы бар азаматтардың басқарғанын жөн есептейді. Ол өз ойын Paparazzi бағдарламасынада айтты.
Қуат Хамитов министрлікті өзі тізгіндегісі келетініне қарағанда қазіргі басшылықтың қызметіне көңілі толмай отырған секілді. Ол бес-алты жыл көлемінде спорт министрі болып қалуы әбден мүмкін екенін жасырмады.
"Спорт басқармаларында отырған кісілердің көбісінің спортқа еш қатысы жоқ. Ол мысалы мені химия саласындағы қызметке қойса, мен ол саланы білмеймін. Сол себепті, спортшылар ғана осы спорт мәселесімен айналысу керек. Біз бұл саланы жақсы білеміз, түсінеміз. Бұл қиындықтар басымыздан өткендіктен, оларды өзгертуге біздің ғана шамамыз келеді. Бұйыртса, осы алдағы бес-алты жылда спорт министрі болатын шығармын" , - деді Қуат Хамитов.
