WhatsApp-та жаңа функция іске қосылады
WhatsApp мессенджерінде архив файлдармен жұмыс істей алатын функция пайда болады, - деп хабарлайды РИА Новости.
WABetaInfo порталының мәліметінше, қосымшаны пайдаланушылар жіберілген файлдар мен құжаттардың қанша жады алып тұрғанын біле алады. Сондай-ақ чаттардың көлемін қарай алады.
Әзірге жаңа функция әзірленіп жатыр. Қашан қолжетімді болатыны да белгісіз.
Бұған дейін WhatsApp-ты әзірлеушілер жіберілген хабарламаның қаншалықты рас екенін тексеретін функция туралы мәлімдеген еді. Сонымен қатар, енді пайдаланушылардың бір аккаунтты төрт құрылғыда бір уақытта қолдана алатыны айтылады.
