Елбасы мақаласы - жүрек сандығынан шыққан сыр-сөзіндей
Абай – адамзаттың рухани реформаторы, ар мен ақылдың, парасат пен пайымның, білім мен біліктің қазақи бейнесі. Қазыналы қазан айының сәтті сәрсенбісінің таңжұлдызымен қатар жарыққа шыққан Елбасы Н.Ә.Назарбаевтың «Абай аманаты» атты мақаласы – ұжданды ұлылыққа бас иген кемеңгер қалыптың әспетті көрінісіндей, әрі, сеңгірге салтанатпен көтерілген Елбасының өз «жетістік картасының» құпиясы жасырылған жүрек сандығын аша ұсынған сыр-сөзіндей.
Мұндағы Нұрсұлтан Әбішұлының тұлғалық сатыларға саналы қадам басуда құбыла іспеттес құндылық болған данышпан шығармашылығына таңданысы – талай жылғы тағылым мен тәжірибенің нәрлі нәтижесінен деп білемін. Одан аңғарарымыз – тәуелсіз мемлекетіміздің әр жақсылығы мен жетістігінің ар жағында Абай шапағаты шұғылаланып тұр деген сөз, ел ішінде Елбасымен қабылданған әр шешім мен Ұлт тағдырының таразысында Абай ұлылығы тұр деген сөз, Ұлттық идеологиялық құжатқа айналған «Рухани жаңғыру» бағдарламасының бағытшысы да – Абай парасаты деген сөз! Бүгінгі мәнді мақала маған осыларды сөз етуімен үлкен маңызға ие болып отыр!
Мақсат Дауылбай,
жас ақын, облыстық «Рухани жаңғыру»
орталығының бөлім басшысы, гумани-
тарлық ғылымдар магистрі
