Денені қалыпты жағдайда ұстау үшін күніне қанша жол жүру керек?
Адам өзін жақсы сезіну үшін күніне үш-бес шақырым жаяу жүру керек. Бұл туралы травматолог-ортопед Денис Шпаковский айтты, деп хабарлайды Stan.kz ақпарат агенттігі.
«Егер адамның жасы мен функционалды жағдайын ескермей айтқанда, онда күніне орта есеппен 3-5 шақырым жүруіңіз керек. Бұл тірек-қимыл жүйесін де, жүрек-тамыр жүйесін де жақсы күйде ұстауға мүмкіндік береді. Адамның жаттығуды қай уақытта жасайтыны аса маңызды емес», — деді Шпаковский сұхбатында.
Сондай-ақ, дәрігер жаттығу мен дұрыс тамақтанудың маңыздылығын атап өтті. Ол таңды жеңіл таңғы аспен бастауға кеңес береді. Мысалы, кептірілген жемістер мен шоколад немесе бір стақан жаңа сығылған шырыны бар тәтті шай. Олар тез сіңіріліп, алдағы уақытта жаттығу жасауға көп қуат беретін жеңіл тағамдар.
