Нұр-Сұлтан қаласы да «сары аймаққа» енді
Нұр-Сұлтан қаласы да «сары аймаққа» енді. Нұр-Сұлтан қаласы коронавируспен сырқаттанушылықтың өсу қарқыны бойынша «сары аймаққа» енді. Бұл туралы Елорданың бас мемлекеттік санитарлық дәрігері Жанна Пірәлиева айтты. Нұр-Сұлтан «сары аймаққа» кірді.Сондықтан карантиндік шаралар жұмсартылады деп ойламаңыз, себебі аурудың біртіндеп өсуі байқалады. Бүгін біз жақын аймақтарда — Ақмола және Қостанай облысындағы аурушаңдықтың жоғары екендігін біле отырып, тәуекелге бел бууды жөн көрмедік. Олардың да «сары аймақта» екендігі белгілі. Басқа әкелінген жағдайлар бар, мәселен бүгіндері «қызыл аймақтағы» Шығыс Қазақстан облысынан. Соңғы аптада сырқаттанушылықтың өсімі 1,2 есе немесе 28% құрады, — деді Пірәлиева 10 қарашада кешкісін өткен брифингте. Ол аурудың өсімін алдыңғы аймен салыстырды. Қазан айының басындағы аптада 46 коронавирус инфекциясы тіркелді. Соңғы аптада бұл көрсеткіш 247 жағдайды құрады. Ақмола облысында карантиндік шаралар күшейтілгенін ескертеміз.
