ДӨҢГЕЛЕК ҮСТЕЛ ӨТКІЗІЛДІ
Қызылорда облыстық «Атамекен» кәсіпкерлер палатасында «Дауды медиация арқылы шешу» тақырыбында дөңгелек үстел өткізілді.Шараға Қызылорда облысы ауданаралық экономикалық сотының судьясы Н.Еламанов, қалалық сот судьясы К.Сәдуақасова, облыстық кәсіпкерлер палатасы директорының орынбасары Ғ.Едігеев, облыс прокурорының көмекшісі Г.Есентай, «Бітім» медиация орталығы қоғамдық бірлестігінің өкілдері Л.Бақтыбаева мен Р.Нұрымбетов қатысты.
Дөңгелек үстелде кәсіби емес медиаторлар институтын дамыту, атқарушы органдардың рөлі, партисипативті рәсімдер, соттар мен прокуратура органдарының дауларды бейбiт жолмен шешуі, азаматтық сот iсiнің міндеттерін іске асыруды жетілдіру мәселелері талқыланды.
Шара атқарушы билік органдарының, прокуратура, медиаторлар мен үкіметтік емес ұйымдары арасындағы өзара іс-қимылды дамыту мәселесі де сөз болды.
