ЕЛІМІЗДІҢ БАСЫМ БӨЛІГІНДЕ АЯЗ БОЛАДЫ
Синоптиктер Қара теңіз арқылы қалыптасқан ауқымды және өте суық антициклонның өтуіне байланысты еліміздің басым бөлігінде аяз болатынын мәлім етті, деп хабарлайды Baq.kz ақпарат агенттігі.Батыс Қазақстан облысы бойынша кей жерлерде оңтүстік-шығыстан соғатын желдің жылдамдығы 15-20 м/с күшейеді.
Орал қаласында оңтүстік -шығыстан соғатын желдің екпіні 18 м/с дейін жетеді.
24-ші қаңтарда тәулік бойы Қостанай облысының кей жерлерінде жаяу бұрқасын болып, жел 15-20 м/с-қа дейін күшейеді деп болжанады.
Оңтүстік Қазақстан облысының кей жерлерінде желдің күші 15-20, екпіні 23 м/с болады.
Ақмола, Солтүстік Қазақстан, Павлодар, Қарағанды, Шығыс Қазақстан облыстарында қатты аяз болфп, түнде -35-40°С, 24-26 қаңтарда өте қатты аяз -45°С, күндіз -27-32°С, кей жерлерде -35°С жетуі мүмкін.
22-26 қаңтар аралығында Қостанай облысында қатты аяз түнде -33-38°С, күндіз -20-25°С болады.
Астана қаласында қатты аяз, түнде -35-40°С, күндіз -27-32°С жетеді.
Дабылды ескертудің ықтималдылығы 95 %.
Алматы, Жамбыл облыстарында, Оңтүстік Қазақстан, Қызылорда облыстарында ауа температурасы түнде 15-20, кей жерлерде 25-30 градус аяздан 20-25, кей жерлерде 30-35 градус аязға дейін төмендеуі мүмкін.
Ақмола, Қостанай, Атырау, Ақтөбе, Жамбыл, Қарағанды облыстарының кей жерлерінде жаяу бұрқасын болады, жел 15-23 м/с күшейеді.
Жамбыл, Қарағанды облыстарының кей жерлерінде тұман түседі.
Оңтүстік Қазақстан, Қызылорда, Батыс Қазақстан, Солтүстік Қазақстан, Шығыс Қазақстан облыстарының кей жерлерінде жел 15-25 м/с күшейеді, Оңтүстік Қазақстан, Қызылорда, Шығыс Қазақстан облыстарының кей жерлерінде тұман түседі.
Маңғыстау, Павлодар, түнде Алматы облыстарының кей жерлерінде тұман болады.
