ГОЛОВКИН «БОКС АҢЫЗЫ» АТАҒЫН ИЕЛЕНДІ
Орта салмақта WBA, IBF және WBC бойынша әлем чемпионы Геннадий Головкин «Жыл боксшысы» номинациясы бойынша «Бокс аңызы» атағын алды деп хабарлайды Sports.kz сайтына сілтеме жасаған NUR.KZ.Сондай-ақ, Головкин мен Альварес арасындағы кездесу «Жылдың үздік жекпе-жегі» деп танылды.
Марапаттау салтанаты Сочиде халықаралық бокс форумы аясында өтті. GGG-ге жүлдені WBC президенті Маурисио Сулейман өз қолымен табыстады.
Іс-шара барысында ресейлік Бокс федерациясының басшысы Омар Кремлев журналистерге Головкинге келесі жекпе-жегін Ресейде өткізуді ұсынатынын айтты.
Айта кетейік, Головкин мен Альварес арасында жекпе-жек қоғамда үлкен дау тудырған соң биылғы жылдың 5 мамырында реванш ұйымдастырылады.
Жекпе-жек уақыты белгіленген соң қазақстандық кәсіпқой боксшы "Рингтен тек чемпион болып кететінін" мәлімдеді.
nur.kz
