ЭЛИЗАБЕТ ЖАРЫСТЫ ЖАЛҒАСТЫРАДЫ
Пхенчхандағы қысқы олимпиада ойындарына қатысып жатқан жерлесіміз Элизабет Тұрсынбаева кеше қысқа бағдарлама бойынша өнер көрсетіп, 57,95 ұпай жинады. Үздік 24 спортшының қатарына енген Элизабет еркін бағдарламаға жолдама алды.Жерлесіміз енді 23 ақпан күні жарысты жалғастырады. Ал осы сында өнер көрсеткен екінші отандасымыз Айза Мамбекова қысқа бағдарламадан 44.40 ұпай еншілеп, жарысты ең соңғы болып аяқтап, еркін бағдарламада өнер көрсету мүмкіндігіне ие бола алмады.
