ПАРАЛИМПИАДА-2018: ҚАЗАҚСТАН ТУЫ КӨТЕРІЛДІ
Оңтүстік Кореяның Пхенчхан қаласында басталған паралимпиада ойындары аясында Қазақстанның туын көтеру рәсімі өтті, деп хабарлайды ҚазАқпарат Ұлттық паралимпиада комитетінің баспасөз қызметіне сілтеме жасап.Бұл қазақстандық спорт делегациясы XII қысқы Паралимпиада ойындарына ресми түрде келгенін білдіреді. Іс-шараға ҚР Ұлттық паралимпиадалық комитетінің төрағасы Қайрат Боранбаев, ҚР Мәдениет және спорт министрлігінің өкілдері, паралимпиада құрамасының спортшылары, жаттықтырушылар қатысты. «Ту көтеру рәсімінде сыйлықтар алмасудың қалыптасқан дәстүрі бар. Қазақстан Республикасының Паралимпиадалық ұлттық парк комитетінің президенті Қайрат Боранбаев пен Паралимпиада командасының спортшысы Денис Петренко Паралимпиада ауылының мэріне кәдесый сыйлады. Бүгін Оңтүстік Кореяның Пхенчхан қаласындағы Олимпиадалық стадионда 2018 қысқы Паралимпиадалық ойындарының алауы тұтанады. Онда 6 спорт түрінен 80 медаль жиынтығы сарапқа салынады. Паралимпиада ойындары 9-18 наурыз аралығында өтеді.
