ҚЫЗЫЛ ҚАР ЖАУДЫ
Грузияның Аджария таулы аймағында қызыл қар жауған. Бұл жөнінде Today.kzҚазАқпаратқа сілтеме жасап хабарлаған. Табиғаттың мұндай құбылысы Солтүстік Африка мен Таяу Шығыс елдеріндегі шаңды дауылдан кейін болған.Эколог мамандардың сөзіне сүйенсек, Жерорта теңізінен соққан жел Грузияға дейін жеткен. Мұндай сипаттағы жауын-шашын тек Грузияда ғана емес Ресейдің Краснодар өлкесінде байқалған екен.
Ұсақ шаңдар қармен бірге ғана түспеген, сондай-ақ Грузияның кейбір жерлерінде сары құм аралас жауын да жауған.
Синоптиктер қызыл қар және шаң аралас жауын-шашын адамның денсаулығына немесе қоршаған ортаға қауіпті емес екендігін айтады.
А.БАТЫРБАЙҚЫЗЫ.
