СИНОПТИКТЕР АЛДАҒЫ 3 КҮННІҢ АУА РАЙЫН АЙТТЫ
ҚазАқпарат - «Қазгидромет» РМК 27-29 наурызға ауа райы болжамын айтты, деп хабарлайды «Қазгидромет» РМК. «Қазақстан аумағынан өтетін циклондар мен атмосфералық ауа ағындарының әсерінен ауа райы құбылмалы болады: күн жылып, артынша жаңбыр жауады. Алдағы үш тәулікте ауа райы өзгермейді», - делінген хабарламада. Синоптиктер солтүстік облыстарда қар аралас жаңбыр жауып, тұман мен көктайғақ, ал оңтүстікте жауын-шашын болады деп болжауда. Ауа температурасы төмендейді, бірақ климаттық нормадан жоғары болады.
