БҮГІН ҚАЗАҚСТАННЫҢ 6 ҚАЛАСЫНДА АУА САПАСЫ ТӨМЕНДЕЙДІ
Сейсенбі, 20 наурыз күнгі метеорологиялық жағдайлар Қазақстанның 6 қаласында ауаның ластануына ықпал етеді.Синоптиктердің болжауынша, Астана, Алматы, Талдықорған, Тараз, Қарағанды, Шымкент қалаларындағы метеожағдай ауада ластаушы заттардың жиналуына ықпал етеді.
Ал, Ақтау, Ақтөбе, Атырау, Қостанай, Қызылорда, Көкшетау, Павлодар, Петропавл, Орал, Өскемен қалаларында атмосферада ластаушы заттар сейіледі.
Жайсыз метеорологиялық жағдайларға атмосфералық ауаның жерүсті қабатында зиянды заттардың қалыптасуына ықпал ететін қысқа мерзімдегі метеорологиялық жағдайлар (әлсіз жел, тұман, инверсия) жатады. Мұндай жағдай қалыптасқанда елді мекендердегі атмосфералық ауаның сапасы төмендейді.
Ауаның ластануын айқындайтын маңызды факторлардың бірі синоптикалық жағдайға (жел,жауын-шашын, қар, ылғалдылық, ауа температурасы) болжам жасау болып табылады.
