200-ГЕ ЖУЫҚ ТҮЛЕК ҰБТ-НЫ АҒЫЛШЫН ТIЛIНДЕ ТАПСЫРМАҚ
Қазiргi таңда 200-ге жуық оқушы ҰБТ-ны ағылшын тiлiнде тапсыруға ниет бiлдiрген. «Бiз биыл олардың саны көбейедi деп ойлап отырмыз». Халық алдында есеп берген ҚР Бiлiм және ғылым министрi Ерлан Сағадиев осылай айтты, – деп хабарлайды Baq.kz тiлшiсi.Министрдің сөзіне сүйенсек, үстіміздегі жылы Ұлттық бірыңғай тест тапсыру ережесі өзгерген жоқ. Дегенмен, тест тапсырушыларға ыңғайлы болуы үшін аздаған түзетулер енгізілген. ҰБТ бес пәннен тұрады: үшеуі міндетті және екеуі таңдауы бойынша. Бүгінгі күні тест тапсырмалары базасының 50 пайызы жаңартылған. Сонымен қатар ҰБТ-ны ағылшын тілінде де тапсыруға мүмкіндік беріліп отыр. Қазірдің өзінде шамамен 200 адам жазылған. Ағылшын тілінде тапсырғысы келетіндердің өтініші мамырдың ортасына дейін қабылданатын болады.
