ҚАЙ ЖЕРГЕ НАЙЗАҒАЙ КӨП ТҮСЕДІ?
Төрт жылдан бері жер бетіне түскен найзағайларды зерттеп келген Vaisala компаниясы жұмыстарының нәтижесін ұсынды, деп хабарлайды Baq.kz ақпарат агенттігі naked-science.ru сайтына сілтеме жасап.Vaisala атты Фин компаниясы қоршаған ортаны зерттеуге арналған технологиялар жасап шығарумен айналысады. Аталған компания қызметкерлері 2013-2017 жылдары аралығында жер бетіне түскен найзағайларды тіркеп, олардың бәрінен көп қай аймаққа түсетінін анықтады.
Антарктидадан бөлек Жер шарында найзағай басқаларына қарағанда көп түсетін аумақтар бар. Бұл орындар жыл сайын өзгергенімен, найзағай түсетін аймақ сол күйі қалады. Бұл аудандарда ауа массалары соқтығысып, нәтижесінде бұлт пайда болады. Осының салдарынан найзағай жарқылдайды. Мұндай зоналарға тау шыңы жатады.
Жоғарыдағы компания өкілдері GLD360 ауқымды желісін пайдалана отырып төрт жылда 8,8 найзағай жарқылын тіркеді. Артынша оларды түскен аумағына қарай бөлді. Солтүстік Америкада Техас, Оклахома, Канзас, Небраска, Оңтүстік Дакота және Колорадо штаттарына көп түсетіні белгілі болды. Ал Оңтүстік Америкада бұл тізімге Парагвай, Уругвай және Колумбия мемлекеттері енді. Африкада Конго Демократиялық Республикасына найзағай көп түсетіні анықталды. Австралияның солтүстік жағалауына, Азияда Суматра мен Малайзияға көп түскен. Ал әлемнің басқа жерлері туралы зерттеу жұмысында айтылмаған.
