ГОЛОВКИН IBF ЧЕМПИОНЫ БЕЛБЕУІНЕН РЕСМИ ТҮРДЕ АЙЫРЫЛДЫ
Халықаралық бокс федерациясының комиссиясы қазақстандық боксшы Геннадий Головкинді IBF чемпионы белбеуінен айыру туралы шешім қабылдады.
Бұған қатысты тыңдалым 22 мамырда өткенімен, шешім бүгін қабылданып отыр. Комиссия Головкин мен оның қарсыласы Сергей Деревянченконың дәлелдерін тыңдап, қазақстандық боксшыны белбеуінен айыру туралы шешім қабылдаған.
Оған қазақстандық боксшының чемпиондық атағын 3 тамызға дейін қорғаудан бас тартқаны себеп болды.
Өз кезегінде Головкин мексикалық Сауль Альвареспен қыркүйек айында өтетін жекпе-жекке басымдық беріп, Деревянченкомен жекпе-жектің уақытын шегеруді сұраған еді.
