ӨШПЕС ӨНЕГЕ
Өткен аптада М.Мәметова атындағы Қызылорда педагогикалық жоғары колледжінде Қазақстан журналистері одағының мүшесі Рысбай Кәрімовтың «Ржев қазанында қайнағандар» атты кітабының тұсаукесері өтті.
Шара барысында Рысбай Кәрімов кітабы жайлы қысқаша баяндап, «Рухани жаңғыру» орталығына туындының алғашқы нөмірлерінің бірін сыйға тартты.
Тұсаукесер рәсімінде Ұлы Отан соғысы ардагері Бөрібай Құлманов соғыстағы естеліктерін сөз етсе, Қорқыт ата атындағы ҚМУ-дың аға оқытушысы Айтжан Оразбақов «Қызылордалықтар Ұлы Отан соғысы жылдарында» атты баяндамасын оқыды.
Шара барысында сұрапыл жылдардағы ерлік көрінісінен бейнесюжет көрсетілді. Кітап мазмұнында Ұлы Отан соғысындағы қазақтардан жасақталған 101-ші дербес ұлттық атқыштар бригадасының ерлік жорықтары баяндалады. Онда бұрын еш жерде жарияланбаған құпия құжаттар мен деректер арқау болған.
Кездесуде студент жастармен қоса қала тұрғындары, №101 атқыштар бригасының жауынгерлерінің ұрпақтары, ауған соғысының және тыл ардагерлері, тарихшылар, ұстаздар жалпы алғанда 100-ге тарта адам қамтылды. Соңында марапаттау рәсіміне ұласып, естелік суретке түсті.
Айдос МЫРЗАЛЫ
Қорқыт Ата атындағы ҚМУ-дың 2-курс студенті
