ӘЧ-2018: БЕЛЬГИЯ ҚҰРАМАСЫ АНГЛИЯНЫ ЖЕҢІП, ҮШІНШІ ОРЫН АЛДЫ
2018 жылғы футболдан әлем чемпионаты аяқталуға жақын қалды. Күні кеше Бельгия мен Англия құрамалары кездесіп, үшінші орынды сарапқа салды. Матч нәтижесі бойынша, Бельгия құрамасы 2:0 есебімен ағылшындарды жеңіп кетті, деп хабарлайды Stan.kz ақпараттық агенттігі.Кездесу Санкт-Петербургтегі стадионда өткен.
Бельгиялықтардан 4-ші минутта Тома Менье, ал 82-ші минутта Азар гол соғып, қақпашыдан айласын асыра алды.
Айта кетейік, бүгін, яғни 15 шілде күні әлем чемпионатының финалдық кездесуі өтеді. Франция мен Хорватия командалары Мәскеу уақытымен сағат 18:00-де Ресей астанасындағы “Лужники” стадионында кездеседі.
