АРЫҚ БОЛҒАННАН СЕМІЗ БОЛҒАН ЖАҚСЫ
Бүгінде арық болу – сұлулықтың бір сыры ретінде бағаланатыны рас. Алайда, семіз болғаннан гөрі арық болған денсаулыққа қауіпті екен. Мұндай қорытындыны норвег ғалымдары шығарып отыр. Норвег зерттеушілерінің ерекше ғылыми жобасы 10 жылдан аса уақытқа созылған.Зерттеу қорытындысы бойынша, семіз адамдар арық адамдарға қарағанда ұзақ өмір сүретіні анықталған. –Зерттеушілер арық адамдардың етжеңді адамдарға қарағанда бірнеше жыл аз өмір сүретінін дәлелдеп отыр, – деп жазған «MIGnews.com» электронды журналы.
Сондай-ақ, олар сұлулық үшін арықтаудың дұрыс емес екенін алға тартады.
–Тым арық болу да, тым семіз болу да – денсаулыққа қауіпті. Семіздік – қант диабеті, гипертония, атеросклероз, буын ауруларына шалдықтырса, арық болудан адам денсаулығы тез арада сыр беруі мүмкін. Көбіне арық адамдар жүрек-қан тамырлары ауруына шалдығады, – дейді зерттеушілер.
Дайындаған: А.БАТЫРБАЙҚЫЗЫ.
