ЕЛІМІЗДЕ АЛДАҒЫ КҮНДЕРІ ҚАР ЖАУЫП, КӨКТАЙҒАҚ БОЛАДЫ
Синоптиктер алдағы үш күнге арналған ауа райы болжамын жасады. 30 қазан-14 қараша аралығында еліміздің барлық аумағында күн суытады.Бұл туралы «Қазгидромет» РМҚ-ға сілтеме жасаg Stan.kzхабарлайды.
Синоптиктердің мәліметінше, өткен демалыс күндері жауын-шашынға қарамастан, күн райы өте жылы болды.
Алайда алдағы үш күнде циклон және онымен байланысты Ресейдің орталық аудандарынан Қазақстанның солтүстік облыстарына жылжыған атмосфералық фронттар жауын-шашын тудырады.
Алдағы уақытта суық фронттар республика аумағы арқылы шығысқа жылжып, соның салдарынан қар жауып, боран, көктайғақ болады. Сонымен қатар батыс және солтүстік-батыстан қатты жел соғады.
Ал Қазақстанның оңтүстік және оңтүстік-шығысында жаңбыр жауып, арты қарға ұласады.
31 қазан мен 1 қарашада таулы және тау бөктеріндегі аудандарда жауын-шашын жауады.
Сондай-ақ, еліміздің барлық аумағында күн суытады деп болжанады.
