ҚЫЗЫЛОРДА ВЕЛОСПОРТШЫЛАРЫ ЕЛ ЧЕМПИОНЫ
Астана қаласында ерлер мен əйелдер арасында тректегі велоспорттан ҚР чемпионаты өтті. Тоғыз облыстан қатысқан ел чемпионатында Сыр велоспортшылары төрт күндік топтық сайыс нəтижесінде 3 медаль иеленіп, жалпыкомандалық есепте 1-орынды жеңіп алды.Атап айтсақ, Əлем чемпионатының қола жүлдегері, Азия чемпионы Роберт Гайнеев тұғырдың биік сатысынан көрінді.
Ағайынды Ғабиден Əзен күміс, Мади Əзен қола жүлделерді иеленді.
Ал Игорь Юсифовке төртінші орын бұйырды. Айта кетейік, бұл биылғы жылдың соңғы жарысы.
Спортшылардың жаттықтырушылары: Руслан Ягафаров, Жандос Махамбетов.
