Жұмаға арналған ауа райы болжамы
«Қазгидромет» РМК 18 қаңтарға арналған ауа райы болжамын ұсынады, деп хабарлайды ҚазАқпарат.Қазақстанның басым бөлігінде құбылмалы ауа райы сақталып, атмосфералық ауа ағындардың өтуіне байланысты жауын- шашын күтіледі. Республиканың кей жерлерінде тұман, көктайғақ, бұрқасын, желдің күшейюі болжанады. Алматы, Қызылорда, Түркістан облыстарының кей жерлерінде тұман түсіп, желдің жылдамдығы 23-28 м/с күшеюі мүмкін. Шығыс Қазақстан облысында түнде кей жерлерде тұман түседі, күндіз Жарма ауданында жел 15-20 м/с жылдамдықпен соғады. Жамбыл, Ақмола облыстарында кей жерлерде тұман, желдің жылдамдығы 15-23 м/с жетеді. Маңғыстау, Қостанай, Солтүстік Қазақстан облыстарының кей жерлерінде қатты жел соғады. Батыс Қазақстан, Атырау, Актөбе, Павлодар, Қарағанды облыстарында кей жерлерде тұман түседі, Атырау облысында кей жерлерде көктайғақ болады.
