Геннадий Головкиннің үшінші перзенті дүниеге келді
Әлемге әйгілі боксшы Геннадий Головкин үшінші мәрте әке атанды. Былғары қолғап шеберінің отбасында ұл бала өмірге келді, деп хабарлайды Stan.kz ақпараттық агенттігі.18 қаңтар күні қазақстандық бокс федерациясы Головкинді ұлды болуымен құттықтады.
“Геннадий мен оның отбасына мықты денсаулық, береке тілейміз”, – делінген хабарламада
Айта кетейік, әйгілі боксшының енді екі ұл, бір қызы бар. Геннадий 2007 жылдың 7 шілдесінде шаңырақ көтерді. Ол сүйіктісімен жеті жыл кездескен. Головкиннің жүрегін жаулаған Алина Қарағанды қаласының тумасы. Қазақстандық ең танымал боксшының толық өмірбаянымен Stan.kz-тің арнайы материалынан таныса аласыздар.
