Қызылша ауруынан сақтаныңыздар
Бүгінге дейін Қызылорда облысында қызылша ауруына күдікті 31 жағдай тіркелген. Оның 11-і нақтыланды. Бұл туралы бүгін Өңірлік коммуникациялар қызметінде өткен баспасөз конференциясында облыстық қоғамдық денсаулық сақтау департаментінің басшысы Ұлбосын Аханаева мәлімдеді.Сонымен қатар, баспасөз конференциясына облыстық денсаулық сақтау басқармасы басшысының орынбасары Олжас Ысқақов, облыстық жұқпалы аурулар ауруханасының бас дәрігері Айна Мұхамбетова қатысты.
Ауруға шалдыққандардың 42 пайызы немесе 13 жағдайы 1 жасқа дейінгі балалар, 35,4 пайызы немесе 11 жағдай – 1 жасқа толған балалар арасында, 9,6 пайыздан немесе 2 жағдай 2 жастағы бала, 3,2 пайыздан немесе 1 жағдайдан 6, 10, 25, 33 жастағы азамат арасында тіркелді.
Айта кету керек, қызылша ауруына шалдыққан науқастардың 84 пайызы осы ауруға қарсы егілмегендер. Сондай-ақ, Қызылорда облысында анықталған қызылша ауруының алғашқы 4 жағдайында науқастар өз ауруын Астана, Алматы және Атырау қалаларында науқаспен қарым-қатынаста болуымен байланыстырса, қалған жағдайлар ауа арқылы қарым қатынас арқылы таралған.
"Аурудың алдын алуы жұмыстары ол иммундау. Адам өмірінде 2 рет екпе ала алады. 1 және 6 жаста. Екпе алған адам ауырмауы тиіс. Осы уақытқа дейін біздің аймақта 87 адам егу жұмыстарынан бас тартқан. Солармен түсіндіру жұмыстары жүргізілуде", - деді Ұ.Аханаева.
