Астанада үшем дүниеге келді
Астана қаласында үшем дүниеге келді. Айта кетерлігі, осы отбасында бұған дейін егіздер де дүниеге келген екен. Бұл туралы ҚазАқпарат Астана қаласы әкімдігінің ресми сайтына сілтеме жасап хабарлайды. «Астана қалалық № 3 перинаталдық орталықта 19 ақпанда кесар тілігі арқылы бірнеше минут айырмашылығымен үшем дүниеге келді. Бұл елордадағы биылғы алғашқы үшем. Екі ұл мен бір қыздың салмағы 2 149 грамм, 2 290 және 2 020 грамм», - делінген перинаталдық орталық таратқан мәліметте. Жас ана мен үшемнің денсаулығы жақсы болғандықтан оларды үйіне шығарады.
