Елімізде 20 градусқа дейін күн жылынады
Еліміздің көптеген өңірлерінде 12-14 наурыз күндері ауа температурасы климаттық нормадан жоғары болады."Қазгидромет" мәліметінше, алдағы үш күнде еліміздің көптеген аймақтарының ауа-райын антициклон анықтайтын болады. Сондықтан еліміздің көптеген жерлерінде күндіз ауа температурасы 0 ... +8 градус, ал оңтүстікте және оңтүстік-шығысында + 12 ... +20 градусқа жетеді, бұл климаттық нормадан 4-10 градусқа жоғары.
Республиканың батысында және солтүстігінде ғана Ресейдің еуропалық бөлігінен атмосфералық фронт әсерінен жауын-шашын, тұман мен көктайғақ қабылданады.
Естеріңізге сала кетейік, Шығыс Қазақстан және Батыс Қазақстан облыстарында 10-13 наурызда дауылды ескерту жарияланды. Өңірлерде қардың қарқынды еруі және судың ағып кету мүмкіндігіне байланысты мұз құбылыстарының бұзылуы және өзендерде су деңгейінің көтерілуі күтіледі.
