Нұрлан Қоянбаевтың президенттік сайлауға үміткер ретінде ұсынылғаны жөнінде ақпарат тарады
Қазақстандық әзілкеш, шоумен әрі продюсер Нұрлан Қоянбаев президенттік сайлауға кандидатурасын ұсынбақ. Бұл туралы yvision.kz блог-платформасында kay_zz атты қолданушы жазды, - деп хабарлады Stan.kz.Автордың жазуынша, ҚР Орталық сайлау комиссиясына Жастар "КВН одағы" бірлестігі атынан үміткер ұсынылған. Бірлестік Нұрлан Қоянбаевты президенттік сайлауға үміткер ретінде ұсынды. Мемлекет басшылығына үміткерлердің кем дегенде 5 жыл мемлекеттік қызметте болуы талап етіледі. Қоянбавтың командасы бұл жағдайды да ойластырған көрінеді.
Айта кетейік, Украинада президент сайлауындағы екінші турда танымал шоумен Владимир Зеленский көш бастаған еді.
Елімізде кезектен тыс президент сайлауы 2019 жылдың 9 маусымы күні өтеді.
