Назерке Нұрғали екі дүркін әлем чемпионы атанды
Анталияда (Түркия) шахматтан өткен Əлем чемпионатында жерлесіміз Назерке Нұрғали алтын жүлдені иеленді.15 жасқа дейінгі оқушылар арасында шеберлік байқасқан Сыр шахматшысы Назерке классика бойынша 9 турдан 8 ұпай жинап, екінші мəрте Əлем чемпионы атанды.
Ол 2018 жылы Албанияда классикадан Əлем чемпионы атанған болатын.
Жақында ғана 1-10 сəуірде Шри-Ланкада өткен Азия чемпионатында рапидтен алтын, классикадан күміс жүлделерді иеленді.
Назеркенің жаттықтырушысы Василий Шмелков.
