«Бағдарлама үшін не істемейсің»: Дина Төлепберген рэп оқып жұртты таңқалдырды (видео)
"Астарлы ақиқат" бағдарламасының жүргізушісі Дина Төлепберген бағдарлама қызық болу үшін рэп оқып, жұртты күлкіге қарық қылды, деп хабарлайды Stan.kz тілшісі.Жүргізуші әлеуметтік желідегі парақшасында бағдарламаның анонсын жүктеп, өзінің рэп оқығанын айтты. Дина Төлепбергеннің айтуынша рэп оқуына бағдарлама себеп болыпты.
"Бағдарлама қызық болу үшін не істемейсің. Ойда жоқта рэп айтып кеттім мінекей. Бәрі сіздер үшін ғой", - деп жазды Дина Төлепберген.
Бұл бейнежазбаны көрген халық таңқалысып, пікір қалдырды.
"Жүгізуші болып жүре беріңіз. Әйтпесе Blаck star-ға кетіп қаларсыз", "Дина, сегіз қырлы, бір сырлысыз", - деп жүргізушінің жаңа қырына баға берді бірі.
Пікір білдірушілердің ішінде жүргізушінің бұл қылығын құптамағандар да табылды.
"Неге бір ақымақтарды жұлдыз жасап жібердің. Бағдарламаң құрысын. Анау бетіне сурет салып тастаған бала неменеге отыр?", "Мыналар рэпер емес сайқымазақтар ғой, кешіріңіз, қазақша рэпте өзінің орнын ойып тұрып тапқан нағыз рэперлерді шақыру керек еді", - десті олар.
