Алдағы күндері ауа райы қандай болады?
Синоптиктер 30 мамыр - 1 маусым күндеріне арналған ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.Синоптиктердің мәліметінше, алдағы күндері кейбір өңірлерде жаңбыр жауып, найзағай ойнайды. "Қазақстанға батыс және солтүстіктен жылжыған атмосфералық фронттар алдағы үш тәуліктегі ауа райын анықтайды. Фронттардың өтуімен көптеген облыста найзағай және екпінді желмен өткінші жаңбыр күтіледі. Бірақ жаздың жақындауымен ауа температурасы жаңбыр кезінде айтарлықтай төмендемейді, ал оның тоқтатылуымен жылдам көтеріле бастайды", - дейді "Қазгидромет"өкілдері.
