"Апатқа ұшыраған болатынмын": Индира Расылхан неге көлік жүргізбейтінін айтып берді
Белгілі әнші Индира Расылхан неге көлік жүргізбейтінін жеткізді, деп хабарлайды Stan.kz ақпарат агенттігі "Ел аузында" бағдарламасына сілтеме жасап.
Индира Расылхан - көлік апатына ұшараған әншілердің бірі. Екі жыл өтсе де көлік апатынан кейін қорқып қалған көрінеді. Қазіргі таңда өз көлігіне отыруға жүрексінеді. Көлік жүргізбейтінінің себебін өнер иесі егжей-тегжейлі түсіндіріп берді.
"Қазір менің көлігім жоқ. Екі жыл бұрын апатқа ұшырағанмын. Өзімдікі болмаса, біреудің көлігін айдап кете беремін. Ал, өзімдікін мен әлі қабылдай алмай жүрмін. Көлігімнен ештеңе қалмады. Темір өткізетін жерге тапсыруға тура келді. Өзіміздің еш жеріміз сырылған жоқ. Солай аман шықтық. Қатты шок болдым. Мүмкін содан жүрексініп жүрген шығармын", - дейді Индира Расылхан.
